Dia 16 di februari ta ultimo dia pa core cu plachi di aña 2009

ORANJESTAD – Servicio di Impuesto ta participa na su clientenan kendenan ainda tin cu paga impuesto di vehiculo di motor di aña 2010, cu diasabra awor dia 13 di februari, su oficina principal na Camacuri lo ta habri unicamente pa pago di e impuesto menciona.
E orario di caha lo ta non-stop for di 8:00am te cu 12:00pm. Despues di haci pago e cliente por pasa busca su plachinan mesora durante e orario menciona.

Mester remarca cu esaki lo ta e ultimo diasabra cu lo duna e servicio extra aki. Servicio di Impuesto ta spera di por yuda mas tanto cliente posibel den e dianan druk aki, ya cu diamars awor, dia 16 di februari, ta e ultimo dia pa paga por lo menos e prome kwartaal di impuesto di vehiculo di motor 2010 y ta e ultimo dia tambe pa core cu e plachi di aña 2009.

GERENCIA DI SERVICIO DI IMPUESTO
11 di februari 2010