ORANJESTAD – Servicio di Impuesto ta informa cu e cobransanan di erfpacht di aña 2010 - fecha 27 di april 2010 - a sali. Bo mester paga e cobransa aki prome cu dia 11 di mei 2010. Si bo no por paga bo cobransa prome cu e fecha aki, bo por haci un peticion pa areglo di pago. Mester haci e peticion aki prome cu dia 11 di mei 2010. Bo por pidi tambe pa tene cuenta cu posibel restitucion.
Areglo di pago
Den caso cu bo no por paga na tempo, bo por acudi na Servicio di Impuesto pa haci un peticion pa areglo di pago. Na seccion Servicio pa cliente, bo por haci un peticion pa areglo di pago di maximo 10 luna. Pa areglo di pago di mas cu 10 luna bo mester haci un cita cu un funcionario specialisa den asunto di cobramento, un asina yama “invorderaar”, kende lo atende e cliente personalmente. Servicio di Impuesto ta evalua tur peticion y ta dicidi si ta honra e peticion of no.
Posibel restitucion
Servicio di Impuesto por tene cuenta cu posibel restitucion. Bo mester cumpli cu e siguiente condicionnan:
1. Bo ta haci un peticion por escrito den cual bo ta duna un calculacion di e suma di restitucion cu bo ta
sperando.
2. Bo mester a entrega tur bo declaracionnan (aangiftebiljetten) di inkomstenbelasting te cu aña 2008.
Reclamo
Den caso di eventual error den bo cobransa, por fabor dirigi bo reclamo na Departamento di Infrastructura y Planificacion (DIP). Adres: Sabana Blanco 71, tel. 527-7100.
Mas informacion
Pa mas informacion bishita www.siad.aw of acudi na seccion Servicio pa cliente na oficina principal situa na Camacuri 2 of na Oficina di gobierno na San Nicolas.
GERENCIA DI SERVICIO DI IMPUESTO
14 di april 2010