Seccion di caha na e oficinanan di gobierno den districto si lo ta habri segun e orarionan di custumber

ORANJESTAD – Servicio di Impuesto ta participa na su clientenan cu dialuna, dia 15 di november, e seccion di caha na su oficina principal na Camacuri lo ta habri non-stop. E servicio extra aki ta en conexion cu dialuna ta ultimo dia pa paga loonbelasting, BBO etc. pa e luna di oktober 2010.

Dialuna e orario di servicio di caha na oficina principal na Camacuri lo ta di mainta 7:45 te cu atardi 3:30 non-stop. Pues no lo cera merdia.
E orario di servicio di caha na e oficinanan di gobierno na San Nicolas, Savaneta, Santa Cruz y Paradera si lo ta segun e orarionan di custumber. Mescos ta conta pa e seccion di servicio pa cliente y e seccion unda ta busca plachi di number.

Pa e clientenan di DIMAS, Servicio di Impuesto ta recorda cu dialuna no lo acepta pago di permiso.

GERENCIA DI SERVICIO DI IMPUESTO
12 di november 2010