ORANJESTAD – Servicio di Impuesto ta participa na su clientenan kendenan ainda no a entrega nan declaracion di inkomstenbelasting di aña 2009, cu den e dianan venidero nan lo ricibi un recordatorio (aanmaning).
E recordatorio ta fecha 2 di februari 2011. Esaki ta nifica cu e cliente mester entrega su declaracion dentro di 10 dia di trabou despues di fecha di e recordatorio. Si entrega e declaracion despues di e 10 dianan aki of no entrega esaki, e cliente ta core risico di haya boet na momento cu inspector saca e cobransa definitivo di aña 2009. E boet ta 5% di e suma di impuesto y ta minimo Afl. 250,- y maximo Afl. 10.000,-. E boet aki no ta necesario si e cliente cumpli na tempo.

Na e clientenan cu mientrastanto a entrega nan declaracion y toch a ricibi un recordatorio, Servicio di Impuesto ta pidi pa considera e recordatorio como no ricibi.
Servicio di Impuesto ta haci un apelacion na e clientenan cu ainda falta pa entrega nan declaracion di aña 2009, pa haci esaki mas pronto posibel y asina evita consecuencia indesea.

GERENCIA DI SERVICIO DI IMPUESTO
26 di januari 2011