Mester paga e impuesto prome cu e kwartaal nobo cuminsa

ORANJESTAD – Servicio di Impuesto ta recorda e doñonan di vehiculo di motor - cu pa diahuebs awor, dia 31 di maart 2011, e impuesto di vehiculo di motor di e prome mita di aña 2011 mester ta paga. Esaki ta encera cu e clientenan cu na e momentonan aki tin solamente e prome kwartaal di aña paga, mester paga e di dos kwartaal no mas tarda cu dia 31 di maart proximo.
Na e clientenan kendenan ainda no a cumpli cu pago di e prome kwartaal, ta conta cu nan lo mester paga mita aña di e impuesto inclui e gastonan di e plachinan.

Ta conseha tur esnan kendenan ainda no a haci pago di number di nan auto, truck, brommer etc., pa nan haci esaki mas pronto posibel y asina evita cu e debe ta keda acumula y haya boet di polis.

GERENCIA DI SERVICIO DI IMPUESTO
29 di maart 2011