Ta trata di pago di BBO, loonbelasting, AOV/AWW, AZV etc

ORANJESTAD – Servicio di Impuesto ta participa na tur cliente cu tin cu haci pago mensual di impuesto, cu e ultimo dia pa haci pago pa e luna di september 2008  ta diabierna awor, dia 17 di october 2008. Ta trata aki di pagonan mensual di BBO, loonbelasting, prima di AOV/AWW y AZV, logeerbelasting y speelvergunningsrecht cu normalmente mester wordo haci no mas laat cu dia 15 di cada luna.
Sinembargo debi na e condicion di tempo e siman aki, cual a impedi hopi cliente pa acudi na Servicio di Impuesto pa haci pago, gerencia a tuma e decision pa cambia e fecha pa dia 17 di october 2008.
 
Pues tur cliente concerni por haci nan pago mensual di impuesto relaciona cu e luna di september 2008, te cu diabierna awor.

GERENCIA DI SERVICIO DI IMPUESTO
15 di october 2008