Relaciona cu instalacion di un porta nobo

ORANJESTAD – Servicio di Impuesto ta participa na su clientenan cu entrante diaranson, dia 18 di november, lo mester uza un otro entrada na momento di bishita su oficina principal na Camacuri. E cambio aki ta debi cu diaranson awor lo cuminsa cu e trabounan necesario en conexion cu instalacion di un porta nobo na e entrada principal.
E clientenan lo bay haci uzo di un otro entrada durante un periodo di 3 siman. E entrada aki ta ubica na e tunnel cu ta conecta Servicio di Impuesto y Departamento di Finansas; pues na banda robes di e actual entrada principal di Servicio di Impuesto.
Na yegada e bishitantenan lo haya indicacion di unda nan tin cu pasa pa drenta den e sala di bishita.

Servicio di Impuesto ta pidi disculpa na su clientenan pa e molester cu e trabounan menciona por a causa.

GERENCIA DI SERVICIO DI IMPUESTO
17 di november 2009