Oranjestad – Diamars dia 8 di december, Minister di Finansas, sr. Mike de Meza,
conhuntamente cu gerencia di SIAD a paga y ricibi nan plachi di number di aña 2010. Despues
di esaki Minister Mike de Meza a hanja un recorido di e edificio di SIAD y Servicio di Impuesto y
asina conoce e diferente departamentonan.
Desde e siman aki ta posibel pa publico en general pa paga impuesto di vehiculo di motor di
aña 2010 y asina tambe busca e plachi number nobo, cu ta fondo blauw cu letter y/of cifra
blanco.
Riba e foto por mira (di robes pa drechi): hefe di Servicio di Impuesto, sr. Cesar Angela, hefe di
Servicio di Aduana, sra. Corinne Cabenda, Minister di Finansas, sr. Mike de Meza, directora di
SIAD, sra. Ritza Lopez-Hernandez, y consehero di minister, sr. Richard Arends.

GERENCIA DI SIAD
9 di december 2009